Mi scias, ke vi desegnas
Kosmogramojn de plezuro,
Kiel iu kiu desegnas mapojn.
Kiam vi decidos ŝmiri min
Per viaj karesoj,
Kvazaŭ vi tronigus
La regnon de via ĝojo
En la malplenoj
De mia pleksuso,
Vi igos min transfiguriĝi
Al senmezura deziro.
Mia korpo fariĝos
La subteno de viaj simboloj,
Kaj mi certigas al vi,
Ke kiam vi volos,
Per via tenereco
Mi konsubstanciĝos kun vi.
Mi suspektas, kun bona fundamento,
Ke niaj rigardoj funkcias
Kiel interfaco
Por supreniri
La ŝtuparon
De la delico.
Kaj mi scias, ke vi desegnas
Kosmogramojn de plezuro
Kiel mapojn.
No hay comentarios.:
Publicar un comentario